.
တိဘက်နိုင်ငံရေးလှုပ်ရှားသူ ၂ ဦးကို ကေအိုင်အိုက တရုတ်လက်အပ်
ဧရာဝတီ | ဧပြီ ၁၊ ၂၀၀၈
ကချင်ပြည်လွတ်လပ်ရေးအဖွဲ့ (ကေအိုင်အို) ၏ နယ်မြေအတွင်းသို့ ထွက်ပြေးတိမ်းရှောင်လာသည့် တိဘက်လူမျိုး နိုင်ငံရေးလှုပ်ရှားသူ ၂ ဦးကို ယခုလ ၃၀ ရက်နေ့တွင် ကေအိုင်အိုအဖွဲ့က တရုတ်အစိုးရထံ ပြန်အပ်ခဲ့ကြောင်း ကချင်သတင်းအဖွဲ့ (Kachin News Group) က ဆိုသည်။
အဆိုပါ တိဘက်အမျိုးသား ၂ ဦးကို ကေအိုင်အိုအဖွဲ့က တရုတ်နိုင်ငံ ယူနန်ပြည်နယ်နှင့် နယ်နိမိတ်ဆက်စပ်နေသည့် ကချင်ပြည်နယ် လိုင်ဇာမြို့တွင် ဖမ်းဆီးလိုက်ခြင်း ဖြစ်သည်။
ကေအိုင်အိုအဖွဲ့သည် ၁၉၉၃ ခုနှစ် အောက်တိုဘာလတွင် စစ်အစိုးရနှင့် အပစ်အခတ်ရပ်စဲခဲ့သည့် တိုင်းရင်းသား လက်နက်ကိုင်တပ်ဖွဲ့ ဖြစ်သည်။
တိဘက်အမျိုးသား ၂ ဦးသည် တရုတ်အစိုးရ၏ လိုက်လံဖမ်းဆီးခြင်းကြောင့် ကေအိုင်အို ဌာနချုပ်ဖြစ်သည့် လိုင်ဇာဒေသသို့ ရှောင်တိမ်းလာခြင်းဖြစ်ပြီး ၎င်းတို့နှင့်ပတ်သက်သည့် ကိုယ်ရေးအချက်အလက်များကို တရုတ်က ကေအိုင်အိုထံ ပေးထားပြီးဖြစ်ကြောင်းလည်း ကချင်သတင်းအဖွဲ့က ဆိုသည်။
ယမန်နေ့က တရုတ်နှင့် မြန်မာစစ်တပ်အရာရှိများ လိုင်ဇာတွင် ၂ နာရီကြာ တွေ့ဆုံဆွေးနွေးမှုများ ပြုလုပ်ခဲ့သည်ဟုလည်း ကချင်သတင်းအဖွဲ့၏ အင်တာနက်စာမျက်နှာတွင် ဖော်ပြထားသည်။
No comments:
Post a Comment