ရွာငယ်များ ရွာကြီးသို့ ပြောင်းရွှေ့ခိုင်း ၃ ရက်သာ အချိန်ပေး
| သတင်း - သျှမ်းသံတော်ဆင့်သတင်း | |
| Tuesday, 17 June 2008 11:02 | |
| သျှမ်းပြည်တောင်ပိုင်း နမ့်ဇန်မြို့နယ် နောင်ဟီးကျေးရွာအုပ်စုမှ ရွာ ၃ ရွာအား တရွာတည်းအဖြစ် ပြောင်းရွှေ့ခိုင်းသဖြင့် ရွာသားများ အခက် တွေ့နေကြောင်း နယ်စပ်ရောက် နမ့်ဇန်ဒေသခံ တစ်ဦးက ပြောသည်။ ပြီးခဲ့သည့် တန်ခူးလက လဲချားအခြေစိုက် နအဖစစ်တပ်သည် နမ့်ဇန်မြို့နယ် ကျေးလက်မှ ရွာသုံးရွာ ရွာသူကြီးအား ဆင့်ခေါ်၍ စစ်တပ် ထိန်းချုပ်နယ်မြေ၊ မျက်ခြေမပြတ်သော နေရာသို့ ပြောင်းရွှေ့ စုပေါင်းနေခိုင်းသည်ဟု ဆို၏။ “ နမ့်ဇန်မြို့နယ် နောင်ဟီးအုပ်စု က ၀မ့်ပန်ခမ်၊ ၀မ့်နမ့်ပါလမ်၊ ၀မ့်ဆီကောင် ရွာ ၃ ရွာကို ၀မ့်လုံနောင်ဝိုမှာ စုခိုင်းတာ။ ၃ ရက်ဘဲ အချိန်ပေးတယ်။ အပြီးရွှေ့ခိုင်းတယ်။ တချို့ဆိုရင် လယ်ထဲယာထဲ အသီးအနှံတွေယူဖို့ အချိန်တောင် မရဘူး။ ရွာသားတွေ တော်တော်လေး အခက်အခဲ ဖြစ်တာပေါ့။ အဲဒါ ကဆုန်လဆန်း ၁၃ ရက်က အမိန့် ကျတယ်။ ကဆုန်လပြည့် အပြီး ပြောင်းရတယ်လေ ” ဟု နယ်စပ်ရောက် နမ့်ဇန်ဒေသခံ က ပြော၏။ နအဖစစ်တပ်မှ ယခုပြောင်းခိုင်းသော နောင်ဟီးအုပ်စု ၀မ့်ပန်ခမ်ရွာ၊ ၀မ့်ဆီကောင်ရွာတို့သည် အပစ်ရပ် ပအိုဝ်းဖြူ ဦးအောင်ခမ်းထီ ထိန်းချုပ်သော နယ်မြေမှ ရွာများဖြစ်သည်။ | |
No comments:
Post a Comment