ကုန်စည်ပြပွဲ၌ တရုပ် - ဗမာ အာဏာပိုင်များကိုကြိုဆိုရန် တိုင်းရင်းသားစာပေ/ယဉ်အဖွဲ့ဆင့်ခေါ်ခံရ
ဗုဒ္ဓဟူးနေ့၊ 17 ဒီဇင်ဘာလ 2008 သျှမ်းသံတော်ဆင့်
တရုပ် - မြန်မာ ကုန်စည်ပြပွဲ ဖွင့်ပွဲအခမ်းအနားကို သျှမ်းပြည်မြောက်ပိုင်း မူဆယ်မြို့ ၁၀၅ မိုင်တွင် ကျင်းပရာ တက်ရောက် မည့် နှစ်နိုင်ငံလူကြီးများ ကြိုဆိုရန် ဒေသခံတိုင်းရင်းသားစာပေယဉ်ကျေးမှုအဖွဲ့များ ရိုးရာဝတ်စုံနှင့် မဖြစ်မနေတက်ရောက် ရမည် ဟု မူဆယ်မြို့အာဏာပိုင်များကဆင့်ခေါ်ကြောင်း တရုပ်နယ်စပ်သတင်းရပ်ကွက်ကဆိုသည်။
ဒီဇင်ဘာလ ၁၇ ရက် ၂၀၀၈ သျှမ်းပြည်မြောက်ပိုင်း မူဆယ်မြို့၁၀၅ မိုင်တွင်ဖွင့်ပွဲ ကျင်းပသည့် တရုပ် - မြန်မာ ကုန်စည်ပြပွဲ တက်ရောက်ရန် မူဆယ်မြို့ပေါ်ရှိ ရပ်ကွက် ၆ ခု မှ တရပ်ကွက် လူအင်အားအယောက် ၁၀၀ အပြင် မူဆယ်ခရိုင်အတွင်းရှိ သျှမ်း၊ ကချင်၊ လီဆူး၊ ပလောင်၊ ကိုးကန့်တိုင်းရင်းသားစာပေယဉ်ကျေးမှုအဖွဲ့များ ရိုးရာဝတ်စုံအပြည့်နှင့် ယဉ်ကျေးမှုအက တခုခုဖြင့် နှစ်နိုင်ငံ အာဏာပိုင်များကို ကြိုဆို/ကပြဖျော်ဖြေရန် မပျက်မကွက်တက်ရောက်ရမည်ဟု နအဖအာဏာပိုင်များက ဆင့်ဆိုခဲ့ကြောင်း - အမည် မဖေါ်လိုသည့် တိုင်းရင်းသားစာပေယဉ်အဖွဲ့တခုမှ လူငယ်တဦးကဆိုပါသည်။“၁၆/၁၂/၂၀၀၈ က ကျမတို့ယဉ်ကျေးမှုအဖွဲ့ အစမ်းဖွင့်ပွဲ အခမ်းအနားသွားတက်ရတယ်။
အလုပ်မအားတော့ တကယ့်ဖွင့် ပွဲရက်မှသွားမယ်လို့ ကျမတို့အဖွဲ့ခေါင်းဆောင်က သွားတောင်းပန်လည်းမရဘူး။ ကနေ့ဆို မနက် ၄း၀၀ ကတည်းက ထ ပြီးပြင်ဆင်ရတယ်။ ယူနန်ပြည်အုပ်ချုပ်ရေးမှူး နဲ့ ရမခ တိုင်းမှူး ဗိုလ်ချုပ်အောင်သန်းထဋ် တက်မယ်လို့ပြောတာဘဲ။ ညကျ ရင်လည်း သွားကပြရဦးမယ်။”ဟု ဆိုပါသည်။မူဆယ်မြို့မြောက်ရပ်ကွက်က အသက် ၃၀ ကျော် အိမ်ရှင်မ အမျိုးသမီး တဦးကလည်း - “တရပ်ကွက်အယောက် ၁၀၀ မသွား မနေရလို့တော့ပြောတာဘဲ၊ အထက်တန်းစားစီးပွားရေးသမားတွေ အဲလိုပွဲဆို တခါမှမသွားဘူး၊ တခါလာရင်လည်း ကျမ တို့ဘဲ၊ ဘယ် တော့မှ အယောက် ၁၀၀ မပြည့်ပါဘူး။
တရပ်ကွက် အများဆုံး ၄၀ - ၅၀ လောက်ဘဲ။ တချို့တော့လည်းခင်မင်ရင်းနှီးတဲ့ ရပ်ကွက် လူကြီးကို အားနာလို့သွားကြတာပေါ့” - ဟုသျှမ်းသံတော်ဆင့်ကိုပြောပြပါသည်။အဆိုပါကုန်စည်ပြပွဲကို နအဖ စစ်အစိုးရ နှင့် တရုပ်အစိုးရတို့က ပူးပေါင်းကာ တရုပ် - မြန်မာ နယ်စပ်တွင် မကြာခဏ ကျင်းပ လေ့ ရှိပါသည်။ တရုပ်ပြည်ထွက်လယ်ယာသုံးစက်အမျိုးမျိုး၊ ကုန်ပစ္စည်းအမျိုးမျိုးအပြင် ဗမာဘက်မှ လယ်ယာထွက်သီးနှံများ သစ်တော ထွက်ပစ္စည်များ နှင့် ဌာဆိုင်ရာထုတ်ကုန်များ ခင်းကျင်းပသကြောင်း သိရပါသည်။
No comments:
Post a Comment