မြန်မာစစ်သားများကို နယ်စပ်ဖြတ်ကျော်ပို့ ၊ ကချင်ဒေသ စစ်ဆင်ရေးအတွင်း ရဟတ်ယာဉ်များအသုံးပြုမှုရှိလာ
by Jade Land on Saturday, October 22, 2011 at 12:26amမြန်မာအစိုးရ စစ်တပ်မှ စစ်သားအများအပြားကို တရုပ်နိုင်ငံမှတဆင့်ဖြတ်ကျော်ကာ ကချင်-တရုပ် နယ်စပ်ဒေသသို့ ပို့ ဆောင်နေကြောင်းသိရှိရသည်။ အောက်တိုဘာ(၂၁)ရက် မနက်ပိုင်းက တရုပ်နိုင်ငံ နယ်စပ်မြို့ ရွှေလီ မှ တရုပ်စစ်ကား အစီး (၃၀)ခန့် သည် နယ်စပ်ဒေသဖြစ်သော လွယ်ဂျယ်ဒေသ(Loi Je) ၊ ဂျန်ခေါင်ဒေသ ( Jang Hkong) ဘက်သို့ မောင်းနှင်ထွက်ခွာသွားကြကြောင်း သိရှိရသည်။ အဆိုပါ တရုပ်စစ်ကား အစီး(၃၀)ထဲတွင် ရှေ့ဆုံးမှသွားနေသော စစ်ကား(၂)စီး (၃)စီးခန့် တွင်သာ တရုပ်စစ်သားများတွေ့ ရပြီး ကျန်စစ်ကားအားလုံးတွင် မြန်မာစစ်သားများသာ တင်ဆောင်သွားကြောင်းမျက်မြင်တွေ့ ရှိသော ဒေသခံများမှ အသိပေးပြောကြားလာပါသည်။
ဒေသခံများမှ ခန့် မှန်းပြောကြားချက်အရ လွန်ခဲ့သော ရက်များအတွင်း ကေအိုင်အေ မှသိမ်းပိုက်ကာ ထိန်းချုပ်လိုက်သော လွယ်ဂျယ်ဒေသ အပါအ၀င် ဂျန်မိုင်စခန်း ( Jan Mai post) နှင့် မော်ရှီ (Maw Shwi Post) တို့ ကို ပြန်လည်သိမ်းပိုက်ရန်ရည်ရွယ်ပုံရကြောင်း သိရှိရသည်။ယင်းကဲ့သို့ စစ်အင်အားဖြည့်တင်းနေခြင်းကြောင့် လွယ်ဂျယ်ဒေသခံများမှာ တိုက်ပွဲ ကြီးကြီးမားမား ပြန်လည်ဖြစ်ပွားလာမည်ကို စိုးရိမ်ထိတ်လန့် နေကြကြောင်းလည်း ထပ်မံသိရှိသည်.။
အဆိုပါ နယ်စပ်ဖြတ်ကျော်ကာ မြန်မာစစ်သားများ ပို့ ဆောင်သည့် သတင်းမှန်ကန်ကြောင်း လိုင်ဇာဌာန မှလည်း အတည်ပြုပြောကြားလာပါသည်..။
-
ကေအိုင်အေ ထိန်းချုပ်နယ်မြေဖြစ်သော ရှဒန်ပါ ( Shadang Pa ) မဒီးယန် ( Madi Yang ) ဒေသဘက်တွင် အောက်တိုဘာ(၂၁)ရက် မနေ့ က မြန်မာ အစိုးရ စစ်ဘက် ရဟတ်ယာဉ် များ ရောက်ရှိ ဆင်းသက်မှုများရှိနေကြောင်း သိရှိရသည် ။ ယနေ့ အောက်တိုဘာ(၂၂)ရက်နေ့ တွင်လည်း ဗန်းမော်မြို့ အနီးပါတ်ဝန်းကျင် ဘက်တွင် စစ်ဘက်သုံး ရဟတ်ယာဉ်များ ပျံသန်း လှုပ်ရှားမှု ထူးထူးခြားခြား များပြားနေကြောင်းလည်း ထပ်မံသိရှိရသည်။ ယခုရက်ပိုင်းအတွင်း ကေအိုင်အေ ဌာနချုပ်လိုင်ဇာကို တက်ရောက်ထိုးစစ်ဆင်နိုင်ဖွယ်ရှိကြောင်း ထပ်မံသိရှိရသည်။
No comments:
Post a Comment