+++နေရာ+++
ဟေ့ လူ!
တဆိတ်လောက် ကူညီဗျာ ...
...ကျုပ်ခြံတွေကို မတရားသိမ်း၊ စစ်ဖိနပ်နဲ့ ကန်ပြီး
ဘဝပျက်အောင်လုပ်ခဲ့တဲ့ မကောင်းဆိုးဝါးတွေ
မရှိတော့တဲ့ နေရာ ...
ကျုပ်ထမင်း ကျုပ်စားပြီး
ကြီး(ဂျီး)တော်နွားကျောင်းခိုင်းတဲ့ အလုပ်တွေ
တောက်လျှောက် မလုပ်ရတော့တဲ့ နေရာ ...
ကောက်ကျစ်တဲ့ ရွာလူကြီးတွေ၊
သောက်ကျင့်တစက်မှ မကောင်းတဲ့ ဝန်ထမ်းတွေ၊
လူရိုက်တတ်တဲ့ ပြည်သူ့စစ်တွေ၊
မီးမသတ်တတ်တဲ့ မီးသတ်တွေ၊
တိုက်ပုံတကားကားနဲ့ ဆန်ကုန်မြေလေး ခွေးခြင်္သေ့တွေ
မတွေ့ရတော့တဲ့ နေရာ ...
ပြီးတော့
လူပေါ်လူဇော်လုပ်တတ်တဲ့၊
သမိုင်းအမှန်ကို ပြောင်းပြန်လှန်တတ်တဲ့
ကိုယ့်ငါးချဉ် ကိုယ်အမြဲချဉ်
သွေးနားထင်ရောက်နေတတ်တဲ့
မဟာဝါဒီသောက်ပေါတွေ မရှိတဲ့ နေရာ ...
အို ပြောရရင်ဗျာ ...
လူ လူချင်း အသိအမှတ်ပြု ဆက်ဆံပြီး
စာနာစိတ်တွေ ချစ်ခြင်းတရားတွေ
မခေါင်းပါးသေးတဲ့၊
လူယဉ်ကျေးတွေ ရှိနေသေးတဲ့ နေရာလေးတခု၊
အဲဒီနေရာလေးများ ဒီဆိုင်းဘုတ်ထဲမှာ ရှိနေရင်
တဆိတ်လောက် ပြောပြပေးပါ
ခင်ဗျားကျေးဇူး ကျုပ်တသက်မမေ့ဘူး ...။
AWE MON Facebook မှရယူသည်၊ကျေးဇူးတင်သည်၊
No comments:
Post a Comment