ကရင်နီတပ်နှင့် စစ်အစိုးရတပ်တိုက်ပွဲဖြစ်ပွား၊ စစ်အစိုးရတပ်မှ ၂ ဦးကျဆုံး
| သတင်း - ကန္တာရ၀တီတိုင်း(မ်) |
| Wednesday, 01 October 2008 13:03 |
ပြီးခဲသည့် အပတ်က လွိုင်ကော်မြို့နယ် တီးလုံအုပ်စုရှိ စုဖဲလော်ကျေးရွာနှင့် တာဝကျေးရွာ အကြားတွင် ကရင်နီပြည် တပ်မတော်နှင့် စစ်အစိုးရတပ်တို့ ထိပ်တိုက်တွေ့ဆုံ တိုက်ပွဲဖြစ်ပွားခဲ့ရန် ခမရ ၄၂၇ တပ်ရင်း မှ တပ်သား ၂ ဦး ကျဆုံးပြီး ၃ ဦး ဒဏ်ရာ ရရှိခဲ့သည်ဟု သတင်းရရှိသည်။ ထိုတိုက်ပွဲတွင် မြန်မာစစ်အစိုးရ စစ်တပ်မှ ဗိုလ်မှူးသန်းမင်းဦး ဦးဆောင်သည့် ခမရ ၄၂၇ တပ်ရင်းနှင့် ဗိုလ်ရှားနို့ ဦးဆောင်သော ကရင်နီတပ်မတော်တို့သည် မိနစ် (၄၀) ကျော်ကြာ တိုက်ပွဲဖြစ်ပွားခဲ့ပါသည်။ |
ကရင်နီတပ်မတော်မှ တိုက်ပွဲ၌ ဦးဆောင်သူ ပြောပြချက်အား ဗိုလ်အရာရှိတဦးမှ ပြန်လည် ပြောပြရာတွင် " စစ်အစိုးရ စစ်တပ် ဘက်က ၃ ယောက် ဒဏ်ရာရရှိတဲ့ အထဲမှာ ဦးဆောင်သူ သန်းမင်းဦးအပါအ၀င် ပြင်းပြင်းထန်ထန် ဒဏ်ရာရရှိခဲ့တယ်" ဟု ပြောပါသည်။
သို့သော်လည်း ယင်းတိုက်ပွဲအတွင်း၌ ကရင်နီတပ်မတော် ဖက်တွင် ထိခိုက်ဒဏ်ရာနှင့် ဆုံးရှုံးမှုများ မရှိခဲ့ကြောင်း ၄င်းက ပြောသည်။
မြန်မာစစ်အစိုးရတပ်မှ ခမရ ၄၂၇ တပ်ဖွဲ့၏ အင်အားသည် ၃၀ နှင့် ၄၀ အကြားတွင်ရှိပြီး ကရင်နီ ပြည်တပ်မတော်ဘက်မှ အင်အား ၂၀ ကျော်ခန့် ရှိသည်ဟု သိရရှိသည်။
ထိုမိနစ် (၄၀) ကြာ တိုက်ပွဲအတွင်းတွင် စစ်အစိုးရ စစ်တပ်ဘက်မှ ၂ ဦး ကျဆုံးခဲ့သော်လည်း ၄င်းတို့၏ လက်နက်ခဲယမ်းများကို သိမ်းဆည်းရရှိခြင်း မရှိကြောင်း ကရင်နီပြည်တပ်မတော်မှ ဗိုလ်အရာရှိတဦးက ပြောသည်။
ဤတိုက်ပွဲသည် ယခုလ (စက်တင်ဘာ) ၂၄ ရက်၊ နေ့လယ်ပိုင်း ၁၂ နာရီ၊ ၁၅ မိနစ်အချိန်တွင် လမ်းဆုံ တနေရာ၌ ထိပ်တိုက် တွေ့ဆုံတိုက်ပွဲဖြစ်ပွားခဲ့ခြင်း ဖြစ်ပါသည်။
No comments:
Post a Comment