Ethnic Nationalities Voice တိုင်းရင်းသားအသံ: ၂၀၀၉ - ၂၀၁၀ ခုနှစ်တွင် မွန်အမျိုးသား အခွင့်အရေးကို ဖော်ဆောင်ပေးမည်မဟုတ်

တိုင်းရင်းသားအသံဆိုတာဘာလဲ?

The Voice for Justice, Equal Right, Freedom, Genuine Federal Union, Democracy and Self-determination in Burma. "Justice War Must always Win over Injustice".

တိုင်းရင်းသားအသံဆိုတာ တရားမျှတမှု၊တန်တူအခွင့်အရေး၊လွတ်မြောက်ရေး၊စစ်မှန်သောဖက်ဒရယ်ပြည်ထောင်စု။ဒီမိုကရေစီ၊ နှင့်ကိုယ်ပိုင်ပြဌာန်ခွင့်အသံများဖြစ်ပါသည်၊

"တရားတဲ့စစ်ပွဲဟာ မတရားတဲ့စစ်ပွဲကို အမြဲအောင်ရမည်"

Monday, January 26, 2009

၂၀၀၉ - ၂၀၁၀ ခုနှစ်တွင် မွန်အမျိုးသား အခွင့်အရေးကို ဖော်ဆောင်ပေးမည်မဟုတ်

တိုင်းရင်းသားအသံ
၂၀၀၉ - ၂၀၁၀ ခုနှစ်တွင် မွန်အမျိုးသား အခွင့်အရေးကို ဖော်ဆောင်ပေးမည်မဟုတ်

Thu 22 Jan 2009, လွတ်လပ်သောမွန်သတင်းအေဂျင်စီမှအယ်ဒီတာ့အာဘော်
မြန်မာနိုင်ငံအတွင်း မှီတင်းနေထိုင်ကြသည့် အခြားသောတိုင်းရင်းသားများ နည်းတူ ၂၀၀၉ - ၂၀၁၀ ခုနှစ်သည်လည်း မွန်လူမျိုးများအတွက် အရေးကြီး သောကာလဟု ဆိုရပေမည်။ ဤကာလတွင် မွန်အမျိုးသားတို့၏ ကိုယ်ပိုင်ပြ ဌာန်းခွင့် အခွင့်အရေးအတွက် လှုပ်ရှားတိုက်ပွဲဝင်နေကြသည့် မွန်ပြည်သူများ အတွက် အမျိုးသားရေးလုပ်ငန်းများ တားဆီးပိတ်ပင်ခြင်း ခံရမည်လော၊ သို့တည်း မဟုတ် ရှေ့ဆက်ပြီး မည်သို့ဆောင်ရွက်ရမည်လော ဒွိဟပေါင်းများစွာဖြင့် မွန်ပြည်သူတို့အကြား ဆွေးနွေးနေကြသည့်ကာလပင် ဖြစ်ပေသည်။

လက်ရှိစစ်အစိုးရသည် ၁၉၈၈ ခုနှစ်ကတည်းက အဆက်ဆက်ဆိုသလို ရဟန်းရှင်လူပြည်သူများအပေါ် ဖိနှိပ်ပြီးမှ အာဏာကို ယူထားခြင်းဖြစ်လေရာ အာဏာကို လက်လွှတ်လိုမည်ဆိုပါက ကြီးမားသောအပြစ်ကို ခံရနိုင်ဖွယ်ရှိ သည်ဆိုသည့် သံသယဖြင့် အာဏာကို မဖြစ်မနေထိမ်းသိမ်းရမည့်သဘောကို ဆိုက်ရောက်နေပေသည်။ မြန်မာနိုင်ငံအား ဒီမိုကရေစီစနစ်ဖြင့် အစားထိုးပြီး ပြပြင်ပြောင်းလဲရန် စိတ်ပါဝင်စားမှုမရှိပဲ မိမိတို့အာဏာတည်မြဲရေးအတွက် တစိုက်မတ်မတ် ဆောင်ရွက်သွားနေခဲ့သည်။

စစ်အုပ်စုသည် တိုင်းပြည်ကို နှစ်ပေါင်း (၂၀) ကြာ အုပ်ချူပ်ခဲ့ပြီး ဆက်လက် အုပ်ချုပ်သွားမည်ဆိုပါက ကမ္ဘာ့အလယ်တွင် မတင့်တယ်သဖြင့် အရပ်သားပုံစံ အဖြစ် ပြောင်းလဲသွားရန်အလို့ငှာ ၂၀၀၉ ခုနှစ်တွင် ရွေးကောက်ပွဲကော်မရှင်တခုကို ဖွင့်လှစ်ပြီး ၂၀၁၀ ခုနှစ်တွင် ရွေးကောက်ပွဲကျင်းပရန် ပြင်ဆင်နေပေသည်။

ဤရွေးကောက်ပွဲသည် စစ်အစိုးရမှ ၂၀၀၈ ခုနှစ်တွင် အတည်ပြထားသည့် ၄င်း၏ဖွဲ့စည်းပုံအပေါ် တည်မှီမည် ဖြစ်သည့်အတွက် စစ်တပ်မှ ဝင်ရောက် ယှဉ်¾ပိင်ရန် မလိုအပ်ပဲ လွတ်တော်ထိုင်ခုံ (၂၅%) ကို ရရှိမည်ဖြစ်ပေသည်။ တက်လာမည့် အရပ်သားအစိုးရကို နောက်မှကြိုးကိုင်ချယ်လှယ်မည် ဖြစ်ပေသည်။

၂၀၀၉ ခုနှစ် ရွေးကောက်ပွဲအတွက် ပြင်ဆင်မှု၊ ၂၀၁၀ ခုနှစ် ရွေးကောက်ပွဲ ကျင်းပခြင်းတို့သည် မွန်လူမျိုးနှင့် အခြားတိုင်းရင်းသားတို့ လိုလားတောင့်တသော ''ကိုယ်ပိုင်ပြဌာန်းခွင့်'' အခွင့်အရေးကို ရရှိမည် မဟုတ်ပေ။ ၂၀၁၀ ရွေးကောက်ပွဲ အပြီး အာဏာရရှိလာမည့် စစ်အစိုးရသည်လည်း တိုင်းရင်းသားလူမျိုးများအပေါ် ''မဟာလူမျိုးကြီးဝါဒ'' ကို ဆက်လက်ကျင့်သုံးသွားမည် ဖြစ်ပေသည်။

မည်သို့ပင်ဖြစ်စေ၊ ၂၀၀၉ ခုနှစ်သည် မွန်လူမျိုးများအတွက် အထူးသတပြု အထူးဂရုစိုက်ရမည့် ကာလတခုဖြစ်ပေသည်။ စစ်အစိုးရနှင့် အပစ်အခတ်ရပ်စဲ ထားသည့် မွန်ပြည်သစ်ပါတီနှင့် မြေပေါ်နိုင်ငံရေးပါတီကြီး မွန်ဒီမိုအဖွဲ့အနေဖြင့် ရွေးကောက်ပွဲဝင်မည်ဆိုပါက စစ်အစိုးရ၏ လမ်းပြမြေပုံနှင့်တကွ စစ်အာဏာရှင် သက်ဆိုးရှည်ရေးကို အားပေးနိုင်မည်ဆိုသည့် နိုင်ငံရေးအတွေးအခေါ် အယူ အဆဖြင့် ရွေးကောက်ပွဲ ဝင်ရောက်ရေးကို ငြင်းပယ်ပေသည်။

ထိုမွန်နိုင်ငံရေးပါတီကြီး (၂) ရပ်မှ ရွေးကောက်ပွဲမဝင်ပါက စစ်အစိုးရအနေဖြင့် ၄င်းတို့လက်သပ်မွေးထားသည့် မွန်နိုင်ငံရေးပါတီတခုခုအား ရွေးကောက်ပွဲဝင် ခိုင်းမည်မှာ သေချာလှပေသည်။ ပိုပြီး အန္တရာယ်ကြီးသည့် ကိစ္စတရပ်ကား အကယ်၍ မွန်ပြည်သစ်ပါတီသည် ရွေးကောက်ပွဲဝင်ရောက်ရန် ငြင်းဆိုမည်ဆိုပါက အပစ်အခတ်ရပ်စဲရေးအား ဖျက်သိမ်းမည့်သဘော သက်ရောက်နိုင်သော ကြောင့် စစ်အစိုးရမှ မွန်လက်နက်ကိုင်တပ်ဖွဲ့တရပ်ကို တည်ထောင်ကာ မွန်လက် နက်ကိုင်အဖွဲ့အစည်းတို့အကြား သွေးထွက်သံယိုမှု ဖြစ်ပွားအောင် ဆောင်ရွက်ဖန်တီးနိုင်သည်။

၂၀၁၀ ခုနှစ် ရွေးကောက်ပွဲမတိုင်မီကာလတွင် မွန်လူမျိုးများအကြား စစ်အစိုးရမှ သွေးထိုးနိုင်ဖွယ်ရှိပြီး ညီညွှတ်ရေးပျက်ပြားအောင် ဆောင်ရွက်နိုင်ပေသည်။ ငွေနှင့်အာဏာကို မက်မောသည့် မွန်အချို့ကိုလည်း ၄င်းတို့စည်း ရုံးထားနိုင်သည့် အခြေအနေ ရှိနိုင်ပေသည်။

ထို့ကြောင့် အမျိုးသားလွတ်မြောက်ရေးတို့အတွက် တစိုက်မတ်မတ် လှုပ် ရှားနေကြသည့် မွန်မျိုးချစ်များအနေဖြင့် ယခု ၂၀၀၉ - ၂၀၁၀ ကာလတွင် အမျိုးသားရေးလုပ်ငန်းကို မည်သူကကြိုးပမ်းဆောင်ရွက်မည်။ မည်သူက စစ်အစိုးရနှင့် ပူးပေါင်းပြီး ဖောက်ပြန်မည် ဆိုသည့်ကိစ္စရပ်တို့အား စောင့်ကြည့်နေရ မည်ဖြစ်ကြောင်း တင်ပြလိုက်ရပေသည်။